Alexandria bløder. Terror ramte hjertet af Alexandria. 21 egyptere dræbt og flere sårede under nytårsmesse i en koptisk kirke i Alexandria. Under sorg og kondolence må vi alle huske på, at terror ikke må sejre.
Fra Sameh Aziz
Skrevet af Ahmed El Saka
|
|
شنودة أخويا قال لي يا أحمد احميني .. أنا جنبك يا أحمد صغيّر اوعى تؤذيني
قلت له يا شنودة يا أخويا إنت في عيني .. بس اوعاك في يوم تصدّق كلام عدوّيني
دول عايزين يفرّقونا ويخلّوك تعاديني .. وإحنا هنا كلنا واحد ونيلك هو نيلي
بعدين مفيش كبير وصغير يا خليلي .. ده أنا لو اتعرّيت في يوم إنتَ تغطّيني
وطننا واحد ونهارك نهاري وليلك ليلي .. أي أذى ليك يا أخويا هو كمان يؤذيني
حطّ إيدك في إيدي نكسّر غشاوة عينك وعيني .. ونخلّي شمس مصر تدفّيك وتدفّيني
ونخلّيها تحرق عدوّينك وعدوّيني…
أحمد فؤاد نجم ينعى شهداء الكنيسة
ينصر دينك يا بطل
قتلت ناس عُزًّل كتير
ستات، شيوخ وكمان عيال
ازحت عنا خطر كبير دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميّتم بيعزّينا إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب ولا اقولّك…إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا لينا رب إسمه الكريم
ها يجي يوم تعرض عليه
تقف امامه و يسألك الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها ..
وتقول إيه؟ .
احمد فؤاد نجم
|
